metropolitan. . .

Ez dakigulako baina jakin nahi dugulako Ez dugulako probatu baina probatu nahi dugulako Ez dugulako ikasi baina ikasi nahi dugulako Donostialdeko gazte literaturzaleen blog bohemio, paristar, idealista, erromantiko, fantasioso eta eroa.

jeudi, avril 27, 2006

PRESONDEGIKO BERTSO ASKEAK

Itoginetan tantaka dabil

Han kanpoko euri ura

Begietatik tantaka doaz

Malkoak eta tristura

Biak batera, sentitzen ditut

Mina eta asperdura

Ez dakit ziur gaur zenbat urte

Sartu ninduten barrura

Nola aspaldi igaro nuen

Nik etsipenaren muga

Presondegiko bertso askeak

Aurkezten ditut mundura

Nire ideiek goza dezaten

Ukatu didaten hura.

Iraganetik nigana datoz

Oroitzapenak biluzik

Nire barrutik lehenera doaz

Hamaika erantzun hutsik

Nik ez baitakit ze kausa duen

Horrenbeste amets hautsik

Nik ez baitakit ze kausa duen

Horrenbeste negar antsik.

Epaile jaunak terrorismoa

Ez zekien beste hitzik

Hogei urteko kondena jarri

Zidan nahiz ez izan funtsik

Justizia ez baita justua

Juxtu kontrakoa baizik.

Leiho txikitik nigana datoz

Argi printza nabarmenak

Hain zuzen lehen hondartzara joan

Ta bilatzen nituenak

Ziega barruko iluntasunak

Preso hartuak gehienak

Eguzkia ta askatasuna

Lotzen dizkit oroimenak

Malko hotzetan ito nahi ditut

Argi beroaren penak

Eguzki printzak, ta euri tantak

Nahastuta datozkit denak

Gaur jo bakarrik egiten baitit

Lehen argitzen ninduenak.

Leiho txikian, ufaka dabil

Haizea nahiko oparo

Nire barnean, borborka dago

Odol gorria zeharo

Metro erdira, zelai bat eta

Ni lau pareten esklabo

Pixka batean ateratzerik

Nola ez dudan itxaro

Egunak eta gauak ohi ditut

Negar zotinka igaro

Nolatan ez naiz egongo bada

Gero eta tristeago

Askatasuna hain hurbil izan

Ta ni hain urrun banago.

Barroteetan gogotsu dabil

Isiltasuna oihuka

Nire barruan tristuraz dago

Garrasi bat mutututa

Isiltasunak erotuko nau

Ezin dezaket ezkuta

Berari soilik hitz egitera

nagoelako ohituta

Halere burdin hotzak ezin du

Malko berorikan xuka

Nire bihotza dago herria

Bera bezain zatituta.

Burdina hautsi ezin denean

Berak birrintzen gaitu ta.

Nire gainean hegaka dabil

Uso bandara luzea

Nire barruan taupaka doa

Esperantzaren haizea

Ziega hitsean ezinezkoa

Den arren zu ukitzea

Zuri eskerrak da zentzuzkoa

Ziegan ere bizitzea

Udazkenean usoen gisan

Urruna nago pasea

Hegan hasteko beharrezkoa

Dute hegalak astintzea

Eta niretzat berriz aski da

Zurekin gogoratzea.

Lau paretetan hegaka dabil

Makil-kolpe oihartzuna

Nigandik berriz hegaka doaz

Korde eta osasuna

Zu, kartzelazain, begi moreen

Pintore anker iluna

Makila hartu eta zeozer

Zarela uste duzuna

Nor izateko zer behar dunak

Nor izatea urruna

Kartzelak biok kaltetu gaitu

Ezin al duzu ba suma

Niri bizitza hartu dit preso

Ta zuri gizatasuna.

Sagu txiki bat pausoka dabil

Ziegako ibileran

Nire gogoa ihesi doa

Nire bizitzatik hegan

Eta ametsek ipintzen naute

Kartzelako irteeran

Baina ateak itxita daude

Itxaropenaren eran

Nahiz noizbait irten behar nuela

Uste nuen hasieran

Orduak egun bihurtu dira

Geldirik daude aukeran

Denbora preso sartu baitzuten

Etsipenaren ziegan.

Nire barruan bueltaka dabil

Hamaika sentipen nahasi

Nire ahotik ihesi doaz

Makina bat negar antsi

Gure herriko politikoek

Didate sofriarazi

Hainbeste jendek nola dezake

Izan hainbeste eskasi

Gurea soilik den herri baten

Eraikuntzan nola hasi?

Esperantzari ihes egiten

Ez uzten dugu ikasi

Baina gezurrez ureztatuta

Ezin la lorerik hazi.

Horma zurian isilik dabil

Haizea hona ta hara

Nire barrutik kanpora doa

Eztula eta dardara

Baina katarro bat baino askoz

Hotzagoa da ikara

Geroari so ipini eta

Itsu ohi nauena laga

Momentuoro negar malkoak

Jausiko dira ziegara

Bizitzak pasa egingo bainau,

Nik pasatu gabe, hara:

Itoginetik ihes egiten

Duten ur tanten gisara.

4 Comments:

Anonymous Lizeoko ikasle bat said...

espetxea, kartzelako poemak, furgoneta berdeak.................

Zuetakoren batek polizia atzetik segika du edo?

jaja aioooo

2:21 PM  
Anonymous Anonyme said...

jode izugarriak dira
bertsolari edo poeta
non dago muga?

10:12 PM  
Anonymous Anonyme said...

Oso onak dira, zorionak.

10:56 PM  
Anonymous Txontxi said...

eleganteak eta tristeak

4:13 PM  

Enregistrer un commentaire

Links to this post:

Créer un lien

<< Home