metropolitan. . .

Ez dakigulako baina jakin nahi dugulako Ez dugulako probatu baina probatu nahi dugulako Ez dugulako ikasi baina ikasi nahi dugulako Donostialdeko gazte literaturzaleen blog bohemio, paristar, idealista, erromantiko, fantasioso eta eroa.

mardi, janvier 10, 2006

ZURIEK BAKARRIK IKUSTEN DUTE BELTZA

Kalimotxoa zainetan genuen horietako batean Parisko metroan sartu nintzen. Ni eta beste bi euskaldun. Espektakulo izugarria eman genuen. Geltokian bela txau bela txau... hasi ginen kantatzen, eta bagoira ere horrela sartu ginen. Esta matina me he levantado
Bagoia espeziala zen. Hasieran ez nintzen guztiz konturatu, baina bazuen halo berezi bat. Nik, hala ere, bagoiko poste metalikoan dantza eta salto eginez jarraitu nuen kantatzen, lagunek kalimotxo degustazioa bagoiko guztien artean egiten zuten bitartean.

Ingurukoek txalo eta txistuekin laguntzen ziguten, eta guk inoiz baino fuerteago kantatzen segitu genuen. Haika gizona jeiki mutil ondokoek lagunduta bertsio rapeatu batean egin genuen. Miresgarria.

Euskal Herria diagu zai kantatzen ari ginenean, bagoia gelditu eta ateak ireki ziren. Bat-batean isildu egin ginen denok. Bi militar sartu ziren zakurrak atzean zituztela.

Bagoi hura espeziala zen, bazuen berezitasun bat, eta azal zuriko poliziak metrora sartzerakoan soilik konturatu nintzen horretaz.

Inguruko guztiak beltzak ziren.


2 Comments:

Blogger Sare said...

Parisko metroan haika mutil kanteak gara, kalimotxoa edo garagardoak odol-hodiak zeharkatzen zituen artean.

Ez ginen gai izan ohartzeko ingurukoak zein larruazal zuten. Gustoregi ginen, Parisko gaua une batez euskalduntzen.

Goizeko ordubatak jotzear, azken geldiunea egingo zuen une hartan metroko gidariak. Gu kanporatzean esanen zuen burua astintzen zutelarik: ils sont fou! Mais...ils ne sont pas noirs?! Est ce que ils sont les fou basque? Ne pas. Ça c'est un bon jour!! J'ai bessoin de dormir, Jean François!!

Eta gu metroko atetik Sardiña bat kantatzen nola atera ginen begira itxi zituen egun hartan azkenengoz treneko ateak.

8:53 PM  
Anonymous Amelie said...

Abesses metroaren sarrera, barruko geltokia...
Oroitzapen politak.
Gramofonoarekin musika entzuten zuen itsua topatu al zenuten?

6:22 PM  

Enregistrer un commentaire

Links to this post:

Créer un lien

<< Home