BEGIRADA

Gezur ttipien zetazko teilatuaren azpian bizi nahi duzunean

etxeko atea irekiko dizut,

zigarroaren ketan fantasiazko hitzak kiribiltzen entzun nahi dituzunean

soilik.

Nire mingainaren atzapar basatian bizi nahi duzu?

Sartu barrura

ardo onenarekin egingo dugu topa

zuretzat bakarrik joko dut pianoa

eta elkarri begira, ninien isla ahularekin

oroitzapenak josiko ditugu

ilargia eta itsasoa balira bezala.

Debussy gogoko baduzu

badaukat leku bat zuretzat

hemen, desira handietan ainguratua

aitortza ñimiñoentzat egokitua.

Ez dizut esan baina

Begiak ixten dituzun bakoitzean

zeure begiradan

neurea, my love,

betiko harrapatuta geratuko den beldurra dut

( esan zuen Humphrey Bogartek sonbreilua okertuz )