NIK EZ DUT NIRE IZENA DUEN KALERIK NAHI

Ez dut inork nire biografia idazterik nahi. Ez dut nire hiletan Euskal Herrian luto egunik ospatzerik nahi. Ez dut lorerik nahi. Ez dut egunkari guztietako portadan agertu nahi. Ez dut Garaipenaren Arkuaren azpian armaniren amerikanarik jantzita paseatu nahi. Ez dut Moskuko plaza gorrian ejerzitoak nire omenez desfilatzerik nahi. Ez dut Garaipenaren arkuak niri begiratzean burua makurtzerik nahi. Ez dut Amsterdameko Cofee shop guztietako lurrun dena niretzat propio ateratzerik nahi.

Nik ez dut txanpain garestirik nahi. Nik ez dut luxuzko autorik nahi. Ez dut txaletik nahi. Ez du arkitekturako karrerarik nahi. Ez dut telebistako izarra izan nahi . Ez dut ikusten nauten neska guztiak nirekin maitemintzerik nahi. Ez dut aingeruen gorputzik eduki nahi. Ez dut hitz goxotan urtu nahi.

Zurekin Urrakin kalimotxo merkea edatearekin konformatzen naiz. Zoriontsu izatea konformatzea baldin bada behintzat. Zuk nahi baldin baduzu behintzat.