Zure bidea
Lokatzezko bideak ditut gustoko. Hanka sartu orduko hondora bultzatzen dutenak. Zikintzen gaituztenak.
Jardinik gabeko bideak ditut gustoko. Inguruko loreei begiratzea baino nahiago dut horizontea ikustea. Eguzkia ikustea. Eguzkiaren indarra sentitzea. Izerdia eta lokatza nahastea. Beroak lurrera botatzea. Eta, lurrean, arnasa hartzeko ere indarrik ez daukagunean, horizonteari begiratzea eta ezer ez ikustea. Dena ikustea. Zu ikustea. Eguzkia.
Eta, agian, berriro ere lurrera botako nauzu, noski, zure izpiek ez bainaute argitzen, erre egiten naute, odolustu egiten nauten labanak dira zure izpiak. Nire begiak itsutzen dituzu, nire bihotza gelditzen duzu, indarrak kentzen dizkidazu, idatzi nahi dizkizudan letrak lapurtu eta lurperatu egiten dizkidazu, lokatz artean botata uzten nauzu, eta, agian, irribarre bat luzatuko didazu, bihar, berriro ere, horizonteari begiratzeko. Zu ikusteko. Zure begietan galtzeko.
Baina, lokatzezko bideak ditut gustuko. Agian behin zure bidean sartu nintzelako, eta ordutik ez dudalako garbitzerik lortu.
posted by MAGABILA | 7:59 PM
9 Comments:
Zuretzat irribarre bat egunero, lainotua badago ere.
oso politta
lokatzezko bideak beti dira zailagoak baina gehiago betetzen gaituzte.
zure bidea , nere bidea , gure bidea da .
horizontea eskeiniko nizuke bainan orduan lokatzik ez , hobe horrela dagoen moduan .
Itacara noiz helduko ?
Magabila, magabila, zuk bai jakin nola esan gauzak... Probatu duzu zure eguzkiari zuzenean halako hitzak ematearekin? Eguzkia urtuko litzateke, ziur.
jue ze arrakasta !!! itzela ggg.
maga zure bidea ez da inoiz hain preziatua izan. Nik ere nahi dut e !!!
Ala good luck ta pa aundi bat
Ze ona! O bai! o o ooooo
Magabila, luzatu al dizu eguzkiak irribarrea gaur?
Ez, gaur eguna ez da argitu.
Baina ez du lokatzik garbitu.
Ea datorren astean argitzen nauen...
Datorren astean, ok. Itzaletan bazabiltza...
Enregistrer un commentaire
<< Home