metropolitan. . .

Ez dakigulako baina jakin nahi dugulako Ez dugulako probatu baina probatu nahi dugulako Ez dugulako ikasi baina ikasi nahi dugulako Donostialdeko gazte literaturzaleen blog bohemio, paristar, idealista, erromantiko, fantasioso eta eroa.

vendredi, juin 09, 2006

Zergatik isilik?

Egun asko neramatzan kezka baten lokarria askatu nahian, baina, askatu ordez, korapilatu egin zait. Kezkak estututa bainauka, zilegi bekit hona ekartzea. Benedikto XVIak Auschwitz-en esandako hitzekin hasi zen dena: ‘Zergatik, Jauna, egon zinen isilik? Nolatan toleratu zenuen hau guztia?’.

Eta nik nioen: ezinezkoa da Jainkoaren existentzia frogatzea. Gizakia gizaki denetik, inork ez du lortu. Ezta lortuko ere. Baina elizaren existentzia? Azken bi mila urteotako munduaren martxa ezin da ulertu, ez onerako ez txarrerako, elizaren existentziarik gabe. Eta nik diot ez al den hobe ausardia erakutsi eta existentzia frogatua duenari kontuak eskatzea: ‘Zergatik, eliza, egon zinen isilik?’. Deiadarrak berdin balio du denok gogoan ditugun elizaren gaurko hainbat erantzukizunengatik galdetzeko ere.

Jainkoa, existitzen bada, bego han bere zeruan, ez gara-eta umezurtz munduan.

Andu Lertxundi, Berria-n

3 Comments:

Blogger MAGABILA said...

ez da eliza, Eliza baizik ezta? Letra larriz diot.

5:24 PM  
Anonymous Hot.Cal. said...

Ez dakit doble ikusten hasia naizen (hain goiz, ordu hauetan) edo "Zergatik isilik, zergatik isilik!" birritan nahita jarri duzun... jaja.

8:31 PM  
Anonymous Edo Nor said...

Andu, ohi bezela, maisu.

1:56 AM  

Enregistrer un commentaire

Links to this post:

Créer un lien

<< Home