HELDU ZAITUT LEIHOAN
Heldu zaitut leihoan
Isilik egon gara fabrikako keari begira
Existitzen ez ziren itsasontziak
Itsu baten begietan nola itsasten ziren ikusiz
Eta orduan galdetu didazu
Denborak zergatik egiten duen ihes
Edo nolatan kabitu daiteke eskumuturreko erloju batean
Hainbat galdera dira
Erantzunik ez dutenak
Eta zure ezpainetan iltzatzen dira
Orduan esan nahi dizut maite zaitudala
Baina ezin zaitut konprenitu
Eta leihotik haratago zoaz
Fabrikako kearekin nahastuz
Eta ezin zaitut harrapatu
Aritz Gorrotxategi
posted by MAGABILA | 8:29 PM
2 Comments:
Ez, zu ere ez zara existitzen. Ez behintzat alde egitea erabakitzen duzun unetik aurrera. Ez zaude, ez zara benetazkoa denbora honetan, ez zaitut ezagutzen.
Ezkutatu zara dagoeneko.
kea behelainopean bezala
Enregistrer un commentaire
<< Home