TIENES UN NUEVO MENSAJE DE

Sorpresa txiki bat emateko zen, etxera bueltatzerakoan pixka bat alai zaitezen. Alukiss-en mezu tristeak irakurri baino hobe duzu nire email hau irakurri, eta gainera nere burua ere alaitzeko idazten det mail hau, ze aze eguna. Mila gauza egiteko asmoa dezun egun horietako bat izan da, eta bat bakarra erdizka ere ezin egin izan dudana.

Gaur izugarrizko eguraldia dago, eta Edinbrágh -en bezelako shower-ak azaldu eta desaparezitu dira Arrasaten. Galtza motzak jazten dituzu kalean kriston egualdia dagoelako, kalera ateratzen zara, derrepente zerura begiratzen duzu, MELA-MELA EGINDA gelditzen zera, eta begiak klixkatu ostean berriz itxi behar dituzu, dagoeneko eguzkiak jaten baitizkizu. Bustita zaude zeharo eta guztiak txiste bat dirudi.

Bua, gainera gauza bat kontatu behar dizut, bonbazo bat izango dena ziur: izugarrizko sabotajea egin behar diogu liburutegiari. Hau sekretu bat da, ez kontatu inori. Imajinazazu, ez da ezer kostatzen. Flipatu ingo dezu. Liburutegi guztietako nolahalako ordena eta disziplina mantentzen duen gauza kontzentrazioa da, eta hau lortzeko beharrezkoa den isiltasuna. Ba horren kontra joango gea, zuzen-zuzenean. Asmoa sinplea da: 20 laguneko kuadrila gara, liburutegiko ordenagailu gehientsuenak akaparatzeko gauza. Ondoren, hauen bolumenak aktibatuko ditugu, eta topean jarri. Azkenik, pelikula bat jeitsiko dugu ordenagailu guztietara, bai pornoa bai biolentoa, garrasi ugarikoa behintzat (suposatuko zenuenez pornoak ditu boto gehienak gure artean), eta hortik aurrerakoa imajina dezakezu.

Minutu gutxiko gauza izango da, broma txiki bat, jendeak burua altxa dezan, par pixkat egin dezan. Errektoreak ulertuko du, ezta? Esperemos. Hala ere, ordenagailuak nola akaparatu eta ahal den sigilo handienarekin plana nola burutu pentsatzen ari gera, okerrenean ere fitxatu ez gaitzaten. Badakit ordenadore asuntotan etzarela oso abila, baina agian jakingo dezu bideo bat nola programatu. Bueno, edozer, edozerk balio digu, IDEIARIK BA AL DEZU?

UFFF. Badakizu, hainbeste ordu liburutegian sartuta, azkenean aspertu egiten da bat. Umeak gara oraindik eta bueno. Horrelako gauzek mantentzen gaituzte bizirik.

Esango diazu zemuz zabiltzan, desiatzen nago zu tabernan sartu eta nere ondoan nola eseitzen zean berriz ikusteko. Baina ez du edozein taberna izan behar, Lau teilatu jarriko baitigu zu sartu orduko, eta gero LA woman, eta gero The Clash. Eta tartean takolo pirritx eta porrotx. Taberna gutxi daude horrelakoak e. Gauez, behintzat. Horietakotan bakarrik hitz egin dezakegu, ba hilabete osoko bidaia eroez adibidez, edo horietakotan bakarrik edan dezakegu lasai, eserita, elkarri begira, itsasoari begira egoten direnak bezela.